خدمات

الاوراق المطلوبة لاستخراج تصريح السفر وكيفية تجهيزها

استخراج تصريح سفر الكتروني مصر

استخرج تصريح السفر تصريح السفر الكثير يسالنا عبر صفحاتنا علي موقع فيس بوك عن تصريح السفر حيث يلجأ الكثير من الشباب والبنات الي التقديم للتعليم بالخارج او ربما احد يريد ان يعمل في دول خارج مصر لذلك يحتاجون تصريح سفر وهو موضوع اليوم كل ما عليك هو اتباع الخطوات التالية حيث سوف اشرح لك كيفية استخراج تصريح السفر بالتفصيل خطوة بخطوة.

استخراج تصريح السفر

كيفية استخراج تصريح السفر 2023

مكان استخرج تصاريح-اذن السفر للخارج من إدارة التجنيد والتعبئة أو مناطق التجنيد والتعبئة في بعض الحالات وهي كالاتي :

1) الطلاب المؤجل تجنيدهم للدراسة بالخارج فى أى وقت .
2) الشباب المستثنون مؤقتاً من أداء الخدمة العسكرية .
3) الشباب الحاصلون على إعفاء مؤقت .
4) الشباب الموضوعين تحت الطلب لمدة ثلاث سنوات .
5) الشباب الذين أدوا الخدمة العسكرية ولم تنته مدة خدمتهم بالاحتياط .
6) الطلبة المؤجل تجنيدهم للدراسة بالداخل خلال أجازة نصف العام ونهاية العام عدا طلبة السنوات النهائية .

المستندات المطلوبة لاسخراج تصريح السفر 2023 وهى كالآتى :

1) شهادة تأدية الخدمه / شهادة المعاملة التجنيدية / إثبات قيد للطلاب .
2) أصل البطاقه الشخصية ” بطاقة الرقم القومي ” .
3) ما يفيد بإيضاح موقف فرد الإحتياط من الأستدعاء للشباب الذيـن قامو بتأدية الخدمـة العسكريـة من مكتب التجنيد التابع لة الشاب ويتم هذا الاجراء بواسطة مكتب تصاريح السفر بمجمع خدمة المواطنين.
4) طلب حصول على تصريح سفر من مجمع خدمة المواطنين .
5) بالنسبه للطلبة الدارسين بالداخل يقوموا بتقديم شهادة قيد من المدرسة أو الكلية أوالمعهد مبين بها رقم وتاريخ قرار التأجيل والرقم الثلاثى للبطاقه العسكريه (6جند) والسنه الدراسيه ومدة الأجازة ويتم منحهم إذن سفر خلال مدة الأجازة ( نصف العام / آخر العام ) ولايمنح لمن هم بالسنه النهائيه فى أجازة نهاية العام .
6) بالنسبه للدارسين بالخارج يقوموا بتقديم طلب أستخراج أذن سفر وخطاب بوضعهم تحت الأشراف العلمى من الادارة العامة للبعثات والاشراف العلمى بوزارة التعليم العالى وكذا بطاقة تحقيق الشخصيه ويتم منحهم أذن سفر حتى نهاية العام الدراسى.

مع العلم ان :
مكاتب تصاريح السفر بإدارة التجنيد والتعبئة ومناطق التجنيد تعمل على مدار (24) ساعة .
واليك طريقة استخراج تصريح السفر من الجيش- خطوة بخطوة-من الالف الي الياء

اولا :- بالنسبة للشباب الذين هم على قوة الاحتياط

يطلب من اي شاب مصري خدم بالقوات المسلحة و ما زال على قيد قوات الاحتياط , ان يقدم تصريح-اذن من القوات المسلحة بالسفر للخارج يثبت انه ليس مطلوب الاستدعاء او يوجد مانع معين من ذهابه للبلد اللي عايز يسافرها, ولن يستطيع ان يغادر الجوازات دون وجود هذا التصريح.

بالتفصيل الخطوات اللي هتمر عليها لاستخراج تصريح السفر 2023 :

مع العلم ان هذه الخطوات فقط للشباب اللي أدى الخدمة بالفعل وعلى ذمة قوات الاحتياط , ومدونة من واقع تجربة شخصية مباشرة وربنا يحدث بعض التجديدات في الخطوات فيما يلي :-

1) تستطيع من خلال مركز خدمة المواطنين الموجود في الزيتون (تحت كوبري التجنيد-الميدان التالي لميدان المحكمة مصر الجديدة) الانتهاء من اصدار التصريح بالكامل بطريقة سريعة ومنظمة وسهلة نسبيا ولا تحتاج ان تذهب الى مكان اخر ان كانت حالتك طبيعية.

2) مواعيد العمل من السبت الى الخميس من الساعة 7صباحا وحتى الساعة 2ظهرا يتم فتح المكتب يوم الجمعة او مساءا في حالة الطوارئ فقط, عندما يكون موعد السفر بعد أقل من 24 ساعة فقط.

3) اهم حاجة انك تاخد معاك وانت رايح

# صورة البطاقة الشخصية “بطاقة الرقم القومي” او صورة الباسبور (ياريت لو الأصول تبقي معاك مش هتخسر حاجه كاحتياطي)
* شهادة انهاء الخدمة العسكرية أو صورة طبق الأصل منها مختومه من محل العمل
# تاخد معاك قلم جاف نضيف (متنسهوش)
* فلوس حوالي 50 جنيه (100 جنيه احتياطي) وتعمل حسابك هتقعد ساعتين مثلا حاجة زي كدا .

اقرا ايضا  الاوراق اللازمه لاستخراج رخصة قيادة 2022

4) هتدخل من البوابة خلي فاكر انك هتحتاج تسيب بطارية الموبايل على البوابة, لو قلقان سبها قبل ما تروح, بس متقلقش مش هتضيع هتاخدها تاني في اخر اليوم, وتروح على مبنى خدمة المواطنين.

5) هتروح على مكتب الاستعلامات على اليمين, وتقول للعسكري اللى على المكتب, انك عايز تعمل تصريح سفر, هيشوف شهادة الجيش ويديك ورقة ويقولك تروح لأول شباك بعد ما تملاها.

6) هتقعد وتملأ بياناتك من شهادة انهاء الخدمة, اسمك ورقمك العسكري وبعض البيانات العادية “القلم الجاف اللي قولتلك عليه”.

7) هتروح لأول شباك وتسيب ورقك ( صورة البطاقة/ الباسبور – شهادة الجيش/ صورتها – الورقة اللي ملتها).

8) هتنتظر, لمدة قد تصل الى ساعة, لحد ما يندهوا اسمك في الميكروفون.

9) لما تروح هناك هيدوك ورق و رقم.

10) بعدين تنتظر كمان نصف ساعة, بتشوف اول ما يظهر رقمك ويتنده عليه ,تروح تدفع فلوس وتاخد وصل بيها وتستلم ورق تاني تملاه.

11) هتملا الورق الجديد زي اللي ملتها في الاول وبتوضح البلد اللي هتسافرلها ومدة التصريح اللي انت عايزها (على اساس بقيلك كام يوم قبل ما تسافر- غالبا اعملها شهر مثلا)

12) بتروح اخر شباك تسلمه الورق بعد ما تكون مليته وبتنتظر التصريح يطلع

13) خلال نصف ساعة المفروض هيندهوا اسمك وتأخد التصريح وتديهم الوصل اللي انت مرمتهوش لسه.

14) خلي بالك تأكد من أسمك كويس عليه والمدة المصرح السفر فيها وجهة السفر.

15) متنساش تأخد بطارية الموبايل بتاعك, وترجع بالسلامة

أقرا ا يضا :

افكار مشاريع تجارية مربحة جدا لهذا العام

فكرة مشروع مربح جدا لهذا العام بدون رأس مال 

اظهر المزيد

مقالات ذات صلة

‫25 تعليقات

  1. لو سمحت انا معاف مؤقت عايز استخرج تصريح سفر لكوردستان العراق من اين يستخرج علما بأنى ذهبت لمنطقة التجنيد قالو ان هذة البلد محظوره بس فيه ناس طلعت التصريح وسافرت بس مش عارف منين وشكرا
    ارجو الرد

  2. فترة الإحتياط خلصت والباسبور مكتوب فيه ‘فى سن التجنيد’
    هل ممكن اسافر بشهادة الجيش اللى مكتوب فيها تاريخ نهاية الاحتياط؟ ولا لازم اغبر الباسبور؟

  3. دلوقتي حضرتك أنا طالب وعملت جواز وطلعت تاشيره عمان ومكتوب لي ف الجواز الموقف التجنيدي يسمح له بالسفر حتي 1/9/2019وانا من مواليد 2000ورحت منطقه التجنيد سندوب قالي ملكش تصريح وانا خايف اروح المطار وارجع

  4. لا ملكش تصريح السفر متقلقش ادام مكتوب كدا انت لسه مجبتش 18 سنه علشان يتحتاجو منك تصريح ,, توكل ع الله وربنا يوفقك

  5. انا دلوقتي عاوز اطلع تصريح سفر وروحت منطقة التجنيد ب العامريه وقالولي ان لسه مفيش تصاريح للكليات الحكوميه قبل يوم 1/25علما ب ان التأشيره بتاعتي جات وتذكره الطياران اتحجزت يوم 1/22 وقالولي روح حلميه الزيتون وهم هايطلعهولك ….ف انا مش عارف اعمل اي عشان مرجعش من المطار…برجاء الافاده ضروري
    .

  6. السلام عليكم ورحمة الله وبركاته
    انا استخرجت شهاده جيش بدل فاقد ومكتوب فيها غير مطلوب للتجنيد انتهت فترة الاحتياطى
    هل يجب استخراج تصريح سفر ايضا؟
    ارجو الأفاده

  7. أنا معاف مؤقت من التجنيد كونى الابن الاكبر لابى المتوفى أنا حاليا فى الامارات وشهادة التأجيل أللى معايا مكتوب فيها لحد أخويا ميخلص كلية بس هو خلص حاليا فى الجيش الان هل أقدر انزل مصر واطلع تصريح سفر بشهادة التأجيل أللى معايا على أساسا إن مينفعشى آلأتنين يبقو فى الجيش

  8. انا موليد ١٩٩٩ .وانا لسه بدرس ومعاد تجنيدي ٢٠١٨/٩/١ ….معاية اثبات قيد من المدرسة اني لسه في الصف الثاني .ومختوم من مدير المدرسة ومدير شئون الطلبة وختم النسر ….ومعاية الباسبور هينتهي ٢٠٢٣ ….ينفع يجيلي زيارة

  9. انا معايا اعفاء مؤقت من التجنيد (الابن الوحيد لابيه الحى) فى نفس الوقت انا طالب جامعه فى مصر اسرتى عايشه بره مصر هل استطيع الحصول على تصريح السفر فى اى وقت من اوقات السنه ام انا تنطبق عليا نفس شروط الطلبه اجازه نصف العام واخر العام

  10. شاهده الجيش مكتوب الاحتياطيلحد من أسبوع يعني خلصت الاحطياطيً وعاوز اسافر كمان يوميين ينفع اسافر بشهاده الجيش اللي مكتوب فيها ان فتره الاحتياطي خلصت

  11. انا خلصت مدة الاحتياط هل ينفع اسافر من غير مطلع الشهادة النهائيه ًوما المطلوب

  12. لوسمحت انا دلوقت خصلت الخدمه العسكريه بس لسه في فتره الاحتياط ولسه التاشيره مجتش هل ينفع اطلع التصريح قبل صدور التاشيره وهل فتره الاحتياط دي فيها مشكله

  13. مزدوج الجنسية و كسرت ال ٦ اشهر لظروف كورونا فما كيفية استخراج تصريح للسفر و خطواتها علما انى دخلت مصر بجواز السفر الامريكى و ادرس بامريكا ٫

  14. انا فى اخر سنه فى الجامعه واريد السفر لمده ٥ ايام فى اثناء العام الدراسى ، اى قبل انتهاء العام الدراسى هل استطيع اخد تصريح سفر

  15. مرحبا حضرضك انا معايه تاجيل 29سنه ورحت اجيب تصريح سفر قلولي جيب اخوك يخش الجيش واخوي خارج البلاد الحل اي

  16. ‏مساء النور يا فندم حضرضك انا معايه تاجيل 29سنه ورحت اجيب تصريح سفر قلولي جيب اخوك يروح الجيش ونا اخويا خارج البلاد الحل اي يا فندم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

This site is protected by wp-copyrightpro.com